Болно грло кај децата
Инфекциите на горните дишни патишта се јавуваат 3 пати почесто кај децата отколку кај возрасните, па затоа болното грло е чест проблем во периодот на детството. Дополнително на тоа, болното грло кај децата е понепријатен проблем бидејќи често е проследен со носен исцедок или затнат нос, зацрвенување на очите, покачена телесна температура и општа состојба на слабост.
Децата се особено подложни на инфекции:
- кога се во лоша општа состојба,
- кога се во контакт со други деца (во градинка, школо),
- кога санитарните услови се лоши.
Третманот на инфекцијата зависи од нејзиниот причинител.
Вирусните или благите бактериски инфекции може да се надминат со повеќе одмор и земање на лекови кои ја отстрануваат причината и ги ублажуваат симптомите на болно грло.
При потешки бактериски инфекции потребна е консултација со лекар и соодветен антибиотски третман.
Може да помогнат и следните лекови:
- лекови за ублажување на кашлица
- препарати за навлажнување на слузницата на носот
- лекови за намалување на секрецијата од носот
- лекови за намалување на телесната температура
Кога треба да го однесете детето на лекар:
- Ако воспаленото и болно грло е единствениот симптом и трае повеќе од 48 часа.
- Ако воспаленото и болно грло е проследено и со други симптоми на настинка кои траат повеќе од 5 дена.
- Ако покачената телесна температура трае повеќе од 3 дена.
- Ако здравствената состојба се влошува.
- Ако дишењето е отежнато.
- При потешкотии во голтањето на течности или плунка.
- Во случај на дехидрираност.
- Ако детето било во контакт со лице кое има стрептококна инфекција.
- Ако воспаленото грло е придружено со болка во ушите или во пределот на параназалните синуси.
- Во случај на исип.
- Ако детето е помало до 2 години.
Важно!
Поради болки во грлото, децата одбиваат да јадат и пијат течности што може да доведе до дехидратација. Поради тоа, болката треба да се олесни колку е можно поскоро.
