Причини за болка во грлото

Причини од инфективно потекло

• Вируси
• Бактерии
• Габички

Во 50–95% случаи кај возрасните и 70% кај децата, болното грло е предизвикано од респираторни вируси; аденовируси, вирусот на инфлуенца и херпес вирусите кај децата.

Помалку од 20% случаи се предизвикани од бактерии, главно стрептокока и стафилокока.

Кога причинителот е стрептококна бактерија, се работи за тешка форма на болно грло и најдобро е да се лекува со антибиотици.

Габичките, како Кандида, поретко предизвикуваат инфекции, вообичаено кога е нарушена нормалната флора во устата (на пример, при третман со антибиотици или хемотерапија).

Неинфективни причини

Механички, хемиски или топлински иритации на слузницата:

• премногу ладен или топол воздух,
• загаден воздух,
• ладна храна или пијалоци,
• постназален исцедок,
• хемиски супстанции,
• пушење,
• гастроезофагеален рефлукс
• сув или многу влажен воздух

Интересно:

• дишењето на ладен воздух низ устата,
• пиењето на ладни пијалоци кога телото е прегреано,
• нагли промени на времето, премин од топло во климатизирана просторија и назад (големи температурни промени),

може да ја зголемат веројатноста за развој на инфекција.